Habari Rfi-ki

Mataifa mbalimbali duniani wakiwemo raia wa ukanda wa Afrika Mashariki, wamesherehekea mwaka mpya wa 2025 kwa kila aina ya mbwembwe na shamrashamra, kukiwa na hisia mseto za matumaini tofauti na mwaka uliopita.Tulimuuliza mskilizaji atueleze aliukaribisha mwaka mpya vipi na akiwa wapi,vile vile angependa kuona kipi kinabadilika kwenye nchi yake.

Nchini Kenya mjadala mkali kuhusu matumizi ya mitandao ya kijamii unaendelea, ambapo baadhi wamekuwa wakiitumia kuikosoa Serikali na rais William Ruto, kwa kiwango ambacho wengine wanasema wakosoaji wamevuka mipaka huku baadhi wakisema watu wako huru kukosoa wanavyotaka.Tulimuuliwa mskilizaji je anaamini iwapo vijana wamevuka mipaka au la.

Baraza la usalama la umoja wa Mataifa, mwishoni mwa juma limepitisha azimio kuunga mkono uundwaji wa kikosi kipya cha bara Afrika cha kulinda amani nchini Somalia, kikosi hiki kikichukua nafasi ya kile cha ATMIS na kitakuwa na jukumu la kuwakabili wanamgambo wa Al-Shabaab.Tumemuliza msikilizaji iwapo anaamini kikosi hiki kipya kitafanikiwa kuleta amani nchini Somalia

Tunakupa nafasi ya kuzungumzia tukio lolote lililotokea duniani wiki hii.  Tunakutakia sikukuu njema na maandalizi mema ya kuupokea mwaka wa 2025

 Serikali ya Morocco imependekeza marekebisho ya sheria kuwaruhusu wanawake kurithi mali, umri wa kuolewa kuongezwa kutoka 17 hadi 18 na kuwekwa kwa masharti kwa wanaume wanaotaka kuoa mwanamke zaidi ya mmoja.Tunamuuliza msikilizaji maoni yake kuhusu mapendekezo hayo na hali iko vipi nchini mwake kuhusu wanawake  urithi  mali 

Mamia ya wasafiri wanaoelekea maeneo mbalimbali kwa sherehe za Krismasi wamekwama barabarani nchini Kenya kutokana na msongamano mkubwa wa magari na wengine kukosa magari ya usafiri wa umma.Tunamuuliza msikilizaji nini kinasababisha kuongezeka kwa safari msimu wa sikukuu na nchini mwao hali ikoje.

Kwa mara ya kwanza katika historia yake, Somalia itaongoza Kikosi cha Kudumu cha Afrika Mashariki (EASF) ambacho kimetwikwa jukumu la kuimarisha amani na usalama katika eneo hilo baada ya kuchukua uenyekiti wa Baraza la Mawaziri wa Ulinzi wa jumuiya hiyo kutoka nchi ya Rwanda katika hafla iliyofanyika jijini Kigali hapo jana.Tunamuuliza msikilizaji maoni yake ni yepi kuhusiana na hatua hii.

RFI Kiswahili kila siku ya Ijumaa inakupa nafasi ewe msikilizaji wetu kuchangia mada yeyote uliyoiskia kwenye habari zetu au kile kinachoendelea hapo ulipo. Haya ndio maoni ya waskilizaji wetu juma hili.

Wasikilizaji watoa maoni kuhusu hatua ya Mahakama moja nchini Kenya, kuamuru kwamba msichana  wa umri wa miaka 16  anayekiri kushiriki ngono na mwanaume si thibitisho la  unyanyasaji wa kigono, uamuzi ambao umeibua hisia kali nchini Kenya.

Hujambo karibu katika makala ya Habari Rafiki ambapo wasikilizaji walizungumzia tangazo la Rais wa Uturuki, Recep  Tayyip Edorgan,kuwa  atazuru Ethiopia na Somalia mwakani,  baada ya kupatanisha mataifa hayo mawili kufuatia mzozo wa bandari ya Somaliland.

Hapa wasikilizaji wamezungumzia mkutano kati ya viongozi wa Rwanda na DRC kule Angola wikendi hii, pia vijana kujituma ili kufanya kazi kujikimu kimaisha

Hujambo na karibu kwenye makala ya habari rafiki, leo tunajadili kufuzu kwa mataifa ya Tanzania Uganda na DRCongo , kucheza kwenye mchuano ya kuwania AFCON, mataifa haya yakiwakilisha Afrika Mashariki nchini Morroco mwaka ujao.   Je unazungumziaje kufuzu kwa mataifa haya?Haya hapa baadhi ya maoni.

Katika makala tunajadili hatua ya viongozi wa dini nchini Kenya, kutuhumu serikali kwa kile wamedai imekuwa ikitoa ahadi za uongo kwa raia. Je unazungumziaje kauli hii ya viongozi wa dini nchini Kenya? Haya hapa maoni yako.

Kwenye makala hayai tunajadili hatua ya Jumuiya ya IGAD kuripotiwa kupendekeza kutumwa kwa wanajeshi wa kulinda amani toka nchi za Afrika ambazo hazijajihusisha kwenye mzozo unaoendelea ili kusimamia mkataba wa usitishaji mapigano kati ya jeshi na wapiganaji wa RSF nchini #sudan. Unamtazamo gani kwa pendekezo hili? Haya hapa baadhi ya maoni yako.

Madu huru zilizoangaziwa na wasikilizaji wetu wiki hii

Bunge la Australia limesema mitandao ya kijamii ina madhara makubwa kwa watoto

Bunge la Australia limesema mitandao ya kijamii ina madhara makubwa kwa watoto

Mapendekezo ya taifa la Uingereza  yanataka  vita kusitishwa nchini Sudan na kuruhusiwa  misaada ya kibinadamu kuwafikia waathiriwa.

Nchini #kenya ,wagonjwa wengi wanaendelea kutaabika kupata huduma za afya kufuatia changamoto zinazotokana na utekelezwaji wa mpango mpya wa afya ,SHIF Hali hii ndiyo pia inayokumba nchi nyingi za Afrika zinazojaribu kutekeleza mipango ya afya inayosimamiwa na serikali.

Umaskini umeendelea kukithiri katika baadhi ya maeneo nchini Uganda Ripoti ya shirika moja lisilo la kiserikali nchini #Uganda, inayoonesha kuwa karibu asilimia 68 ya raia nchini humo wanapata ugumu kujikimu kimaisha kutokana umasikini.