Sbs Khmer - Sbs

ក្នុងពិធីសំណេះសំណាលជាមួយកម្មកររោងចក្រកាត់ដេរ នៅស្រុកបាទី ខេត្តតាកែវ កាលពីព្រឹកថ្ងៃទី១៩ ខែកញ្ញា លោកនាយករដ្ឋមន្ត្រី ហ៊ុន ម៉ាណែត បានបង្ហាញមោទនភាព និងអបអរសាទរ ចំពោះការចុះបញ្ជី “រមណីយដ្ឋានប្រាសាទកោះកេរ” ជាសម្បត្តិបេតិកភណ្ឌពិភពលោក របស់អង្គការយូណេស្កូ កាលពីថ្ងៃទី១៧ ខែកញ្ញា ឆ្នាំ២០២៣។ ជាមួយគ្នានេះ លោក ហ៊ុន ម៉ាណែត ក៏បានអំពាវនាវដល់ជនរួមជាតិកម្ពុជាគ្រប់រូប និងគណបក្សនយោបាយនានា សូមរួមគ្នា ក្នុងស្មារតីជាខ្មែរតែមួយ ដើម្បីអបអរសាទរដល់ព្រឹត្តិការណ៍ជាប្រវត្តិសាស្ត្រថ្មីនេះ។