Sbs Khmer - Sbs

លំហាត់ហ្វឹកហ្វឺនប្រតិបត្តិការពហុជាតិ លើទីលានសកម្មភាពមីនមនុស្សធម៌ ក្នុងក្របខ័ណ្ឌកិច្ចប្រជុំរដ្ឋមន្ត្រីការពារជាតិអាស៊ាន-បូក បានបើកជាផ្លូវការ កាលពីព្រឹកថ្ងៃទី១៣ ខែកញ្ញា។ លំហាត់ហ្វឹកហ្វឺនពហុជាតិនេះ ធ្វើឡើង ក្នុងគោលបំណងផ្លាស់ប្ដូរបទពិសោធន៍គ្នាទៅវិញ ដោយមានកងកម្លាំង ប្រមាណ ៤៥០នាក់ មកពី ១៤ប្រទេស ចូលរួម។ ប្រទេសទាំង ១៤ ដែលបញ្ជូនកម្លាំង មកចូលរួមលំហាត់ហ្វឹកហ្វឺននៅកម្ពុជា ពេលនេះ រួមមាន អូស្ត្រាលី ចិន សហរដ្ឋអាមេរិក ជប៉ុន ឥណ្ឌា សាធារណរដ្ឋកូរ៉េ រុស្ស៊ី ប៊្រុយណេ កម្ពុជា ឥណ្ឌូនេស៊ី ឡាវ ហ្វីលីពីន សឹង្ហបុរី និងវៀតណាម។