Sbs Khmer - Sbs

ព័ត៌មានសំខាន់ៗសម្រាប់ថ្ងៃនេះរួមមាន៖ ** ម៉ាឡេស៊ីបានក្លាយជាប្រទេសទីពីរដែលផ្អាកការនាំចេញបសុសត្វរស់ ពីប្រទេសអូស្ត្រាលី។ ** គម្រោងសាងសង់រោងចក្រសម្រាប់ចាក់កាកសំណល់នុយក្លេអ៊ែរ នៅរដ្ឋអូស្រ្តាលីខាងត្បូង ត្រូវបានលុបចោល ។ ** ភ្លើងឆេះព្រៃនៅកោះហាវ៉ៃបានសម្លាប់មនុស្សអស់យ៉ាងហោចណាស់ 6 នាក់ ។

នៅប្រទេសកម្ពុជា គម្រោងដ៏ធំមួយកំពុងដំណើរការ ដើម្បីដកប្រជាពលរដ្ឋប្រមាណមួយម៉ឺនគ្រួសារចេញពីប្រាសាទអង្គរវត្ត និងជុំវិញឧទ្យានបុរាណវិទ្យា។ អង្គការសិទ្ធិមនុស្សនិយាយថា ទាំងនេះគឺជាការបណ្តេញចេញដោយបង្ខំ ដោយអ្នកស្រុកមិនមានជម្រើស និងទទួលបាននូវជំនួយគាំទ្រតិចតួចបំផុត ក្នុងការតាំងទីលំនៅថ្មីនៅកន្លែងផ្សេង។

ស្តាប់មាតិកាព័ត៌មានចុងក្រោយបង្អស់ក្នុងប្រទេសអូស្រ្តាលីពី SBSខ្មែរ។

លោកស្រីបណ្ឌិត ជា សិរី អគ្គទេសាភិបាលធនាគារជាតិនៃកម្ពុជា បានដឹកនាំក្រុមយុវជនស្ម័គ្រចិត្តធនាគារជាតិនៃកម្ពុជា សហការជាមួយក្រុមគ្រូពេទ្យមនុស្សធម៌ មកពីប្រទេសអូស្ត្រាលី តាមរយៈអង្គការ AHHA (Australian Health Humanitarian Aid) មូលនិធិចក្ខុខ្មែរ (Khmer Sight Foundation) និងមូលនិធិរក្សាកុមារ (Raksa Koma Foundation) ដើម្បីពិនិត្យ និងព្យាបាលអ្នកជំងឺភ្នែកឡើងបាយ ដោយឥតគិតថ្លៃ ជូនប្រជាពលរដ្ឋ មកពីខេត្តកំពង់ធំ ប្រមាណ ២៨០នាក់។ ការពិនិត្យ និងព្យាបាលភ្នែកនេះ បានធ្វើឡើង នៅមន្ទីរពេទ្យមិត្តភាពខ្មែរ-សូវៀត ចាប់ពីថ្ងៃទី៥-៧ ខែសីហា ឆ្នាំ២០២៣។

កាលពីថ្ងៃទី៧ ខែសីហា ព្រះករុណា ព្រះមហាក្សត្រ សម្តេចព្រះបរមនាថ នរោត្តម សីហមុនី បានចេញព្រះរាជក្រឹត្យ ត្រាស់បង្គាប់ ចាត់តាំងលោកបណ្ឌិត ហ៊ុន ម៉ាណែត កូនប្រុសច្បងរបស់លោក ហ៊ុន សែន ជានាយករដ្ឋមន្ត្រីកម្ពុជា នៅអាណត្តិទី៧ ចាប់ពីឆ្នាំ២០២៣ ដល់ឆ្នាំ២០២៨។

ព័ត៌មានសំខាន់ៗសម្រាប់ថ្ងៃនេះរួមមាន៖ ** ប៉ូលីសសហព័ន្ធអូស្ត្រាលីថា អាចមានការចាប់ខ្លួនបន្ថែមទៀត ទាក់ទងនឹងបណ្តាញ រំលោភបំពានលើកុមារតាមអ៊ីនធឺណិត ** គោលនយោបាយអភិវឌ្ឍន៍អន្តរជាតិថ្មីមួយ កំណត់យកការប្រែប្រួលអាកាសធាតុជាបញ្ហាស្នូល។ ** ក្រុម Matildas ឈានចូលដល់វគ្គ 1/4 ផ្តាច់ព្រ័ត្រ នៃការប្រកួតបាល់ទាត់នារីពិភពលោក ដោយទំនុកចិត្តខ្ពស់។

Learning English can serve as both a requirement for your student visa and a pathway to future academic pursuits. It also has the potential to enhance your career prospects or become a personal goal. With so many study options and informal learning opportunities, there should be few obstacles to improving your English skills. - ការរៀនភាសាអង់គ្លេសអាចថាជាតម្រូវការសម្រាប់ទិដ្ឋាការសិស្សនិស្សិតរបស់អ្នក និងជាផ្លូវឆ្ពោះទៅរកការបន្តការសិក្សានាពេលអនាគត។ វាក៏មានសក្ដានុពលក្នុងការលើកកម្ពស់ការរំពឹងទុកក្នុងមុខអាជីពរបស់អ្នក ឬក្លាយជាគោលដៅផ្ទាល់ខ្លួនផងដែរ។ ជាមួយនឹងជម្រើសសិក្សាជាច្រើន និងឱកាសសិក្សាក្រៅផ្លូវការដែលអាចរកបាន ការយកឈ្នះលើឧបសគ្គ និងការកែលម្អជំនាញភាសាអង់គ្លេសរបស់អ្នក គួរតែអាចសម្រេចបាន។

ព័ត៌មានសំខាន់ៗសម្រាប់ថ្ងៃនេះរួមមាន៖ ** ព្រះមហាក្សត្រខ្មែរចេញព្រះរាជក្រិត្យតែងតាំងលោក ហ៊ុន ម៉ាណែតធ្វើជានាយករដ្ឋមន្រ្តី។ ** អតីតនាយករដ្ឋមន្ត្រីប៉ាគីស្ថាន លោក Imran Khan ត្រូវបានកាត់ទោសឱ្យជាប់ពន្ធនាគាររយៈពេល 3 ឆ្នាំ ជុំវិញការចោទប្រកាន់អំពើពុករលួយ។ ** រដ្ឋាភិបាលនឹងណែនាំបទប្បញ្ញត្តិថ្មី ដើម្បីពង្រឹងច្បាប់ពន្ធ ក្នុងគោលបំណងបង្ការកុំឱ្យមានរឿងអាស្រូវ ដូចជាការលេចធ្លាយរបស់PWC។

ទិន្នន័យថ្មីពីការិយាល័យស្ថិតិអូស្ត្រាលី (ABS) បង្ហាញថា ប្រជាជនអូស្ត្រាលីកាន់តែច្រើនឡើងៗ ត្រូវធ្វើការច្រើនកន្លែង ចំពេលមានវិបត្តិថ្លៃចំណាយក្នុងការរស់នៅ។ ការិយាល័យស្ថិតិអូស្ត្រាលីប៉ាន់ប្រមាណថា ជនជាតិអូស្ត្រាលី 947,300 នាក់ បានធ្វើការច្រើនកន្លែងនៅក្នុងខែមីនា ដែលជាកំណត់ត្រាថ្មីមួយ។ អ្នកជំនាញនិយាយថា ថ្លៃទំនិញឡើងថ្លៃ និងប្រាក់ឈ្នួលដែលនៅទ្រឹង កំពុងជំរុញមនុស្សឱ្យធ្វើការងារច្រើន ដើម្បីផ្គត់ផ្គង់សម្ភារៈចាំបាច់។

ស្តាប់មាតិកាព័ត៌មានចុងក្រោយបង្អស់ក្នុងប្រទេសអូស្រ្តាលីពីSBSខ្មែរ។

រូបចម្លាក់បុរាណ ៣អង្គ ដែលមានចំណាស់រាប់រយឆ្នាំ ត្រូវបានរដ្ឋាភិបាលអូស្ត្រាលី ប្រគល់ឱ្យកម្ពុជាវិញ បន្ទាប់ពីការស៊ើបអង្កេតរយៈពេល ២ឆ្នាំ លើប្រភពដើម។ ប៉ុន្តែចម្លាក់ទាំង៣ នឹងរក្សាទុក សម្រាប់ការតាំងបង្ហាញ នៅអូស្ត្រាលីសិន មុនពេលដឹកមកកម្ពុជាវិញ។

កាលពីព្រឹកថ្ងៃទី៣ ខែសីហានេះ លោកនាយករដ្ឋមន្ត្រី ហ៊ុន សែន បានប្រកាសថា លោក ហ៊ុន ម៉ាណែត នឹងត្រូវតែងតាំងជានាយករដ្ឋមន្ត្រីថ្មីរបស់កម្ពុជា នៅថ្ងៃចន្ទ ទី៧ ខែសីហា។ ចំណែកសមាសភាពគណៈរដ្ឋមន្ត្រីថ្មី នឹងត្រូវបង្កើតឡើង នៅថ្ងៃទី២២ ខែសីហាខាងមុខ។ លោកនាយករដ្ឋមន្ត្រី ហ៊ុន សែន ក៏បានបញ្ជាក់ជាថ្មីថា រូបលោក និងមន្ត្រីមានឥទ្ធិពលចាស់ៗដទៃទៀត ក្នុងជួរគណបក្សប្រជាជនកម្ពុជា នឹងមិនលូកលាន់ ក្នុងការធ្វើការសេចក្តីសម្រេចចិត្តណាមួយរបស់រាជរដ្ឋាភិបាលថ្មី នាពេលខាងមុខនោះឡើយ។

ព័ត៌មានសំខាន់ៗសម្រាប់ថ្ងៃនេះរួមមាន៖ ** បំណែកសាកសពត្រូវបានគេរកឃើញនៅក្នុងប្រតិបត្តការរុករក ទាហានបួននាក់ដែលបាត់ខ្លួន។ ** អូស្ត្រាលីបានយល់ព្រមប្រគល់រូបចម្លាក់សំរិទ្ធបុរាណចំនួនបី ទៅឱ្យប្រទេសកម្ពុជាវិញ។ ** សំណើផ្តល់មូលនិធិថែទាំមនុស្សចាស់ថ្មី សម្លឹងមើលលើប្រាក់ស៊ុបភើរជាដំណោះស្រាយ។

កម្មវិធី Grow Your Future ដែលផ្តួចផ្តើមឡើងដោយអង្គការNursery & Garden Industry Victoria (NGIV) សហការណ៍ជាមួយ Jobs Victoria ផ្តល់ការបណ្តុះបណ្តាល និងផ្តល់ការងារខាងផ្នែកដំណាំដាំដុះ ដល់ប្រជាជនពហុវប្បធម៌ដែលរស់នៅក្នុងរដ្ឋវិចថូរៀ។ សូមស្តាប់បទសម្ភាសន៍រវាងSBSខ្មែរជាមួយនឹងអ្នកដឹកនាំគម្រោង កញ្ញា ហ៊ន រចនាដូចតទៅ។

ស្តាប់មាតិកាព័ត៌មានចុងក្រោយបង្អស់ក្នុងប្រទេសអូស្រ្តាលីពី SBSខ្មែរ។

នៅថ្ងៃទី១ ខែសីហា ឆ្នាំ២០២៣ គឺជាថ្ងៃដំបូង ក្នុងការអនុវត្តអត្រាថ្មី នៃកម្មវិធីឧបត្ថម្ភសាច់ប្រាក់ ដល់ស្ត្រីមានផ្ទៃពោះ និងកុមារអាយុក្រោម ២ឆ្នាំ។

ដូចការគ្រោងទុក នៅព្រឹកថ្ងៃទី១ ខែសីហា គ.ជ.ប បានប្រកាសផ្សាយនូវលទ្ធផលបណ្តោះអាសន្ននៃការបោះឆ្នោតជ្រើសតាំងតំណាងរាស្ត្រ នីតិកាលទី៧។ លទ្ធផលបណ្តោះអាសន្ននេះ បានបង្ហាញថា ក្នុងចំណោមគណបក្សនយោបាយទាំង ១៨ ដែលចូលរួមប្រកួតប្រជែងការបោះឆ្នោតនៅកម្ពុជា ពេលនេះ គឺគណបក្សប្រជាជនកម្ពុជា ទទួលបានសំឡេងឆ្នោតច្រើនជាងគេ ហើយបន្ទាប់មកគឺគណបក្សហ៊្វុនស៊ិនប៉ិច។

ព័ត៌មានសំខាន់ៗសម្រាប់ថ្ងៃនេះរួមមាន៖ ** R-B-Aសម្រេចរក្សាអត្រាការប្រាក់នៅកម្រិត 4.1 ភាគរយជាលើកទីពីរ។ ** អតីតបុគ្គលិកមើលថែទាំកុមារម្នាក់ ត្រូវបានចោទប្រកាន់ពីបទបំពានលើកុមារចំនួន 1,623 ករណី ចំពោះកុមារ 91នាក់។ ** ចាប់ពីថ្ងៃនេះ បុគ្គលិកអាជីវកម្មខ្នាតតូច នឹងមានសិទ្ធិឈប់សម្រាកដោយសារ អំពើហិង្សាក្នុងគ្រួសារ1០ថ្ងៃ។

Australians will vote later this year in the Indigenous Voice to Parliament referendum. Here’s what you need to know about the process, including why it’s taking place, and the information that communities can expect to help guide their decisions at the polls. - ប្រជាជនអូស្ត្រាលីនឹងបោះឆ្នោតនៅចុងឆ្នាំនេះនៅក្នុងការធ្វើប្រជាមតិសំឡេងជនជាតិដើមទៅកាន់សភា “Voice to Parliament”។ នេះជាអ្វីដែលអ្នកត្រូវដឹងអំពីដំណើរការ រួមទាំងមូលហេតុដែលវាកើតឡើង និងព័ត៌មានដែលសហគមន៍អាចរំពឹងថានឹងជួយណែនាំការសម្រេចចិត្តរបស់ពួកគេនៅពេលបោះឆ្នោត។

ព័ត៌មានសំខាន់ៗសម្រាប់ថ្ងៃនេះរួមមាន៖ ** រដ្ឋមន្ត្រីក្រសួងការពារជាតិ និយាយថា ទាហានបួននាក់ដែលធ្លាក់ឧទ្ធម្ភាគចក្រ គ្មានសង្ឃឹមថានៅរស់ទេ។ ** គណបក្ស Liberal នឹងគាំទ្រដល់សេចក្តីព្រាងច្បាប់របស់រដ្ឋាភិបាល ក្នុងការបង្កើនអត្រាប្រាក់ជំនួយសម្រាប់អ្នកស្វែងរកការងារធ្វើ Jobseeker ។ ** របាយការណ៍ថ្មីមួយនិយាយថា ប្រព័ន្ធដាក់ពាក្យសុំទិដ្ឋាការធានាឳពុកម្តាយ “Parent Visa” "មិនដំណើរការត្រឹមត្រូវនោះទេ" ។